Minister-in YMA pandal sak lai a tlawh

Kumina YMA General Conference chu Biate khuain an thleng dawn a, pandal sak mek a ni. Pandal sak mek hi nimin khan bialtu MLA Lalchamliana, minister-in a tlawh a, Organising Committee hnenah tarpauline eng emaw zat a pe.

Lalchamliana chuan, YMA inkhawmpui lian thleng tura Biate khaw­tlang mipui phûr taka an inbuatsaihna chu lawm­awm a tih thu a sawi a; Orga­nising Committee-in ṭul leh pawimawh an lo thlenteah hmalak zel a inhuam thu a sawi bawk.

Minister Lalchamliana hian Organising Com­mittee hruaitute nen pandal an tlawh a, pandal sak hmabaka tih tur awmte an enho a ni.