Dan zawm lo mi 60 man

Transport department enforcement staff-te chu tunlai hian Aizawl khaw­puiah lirthei khalh­tute'n The Motor Vehicles (Amend­ment) Act an zawm leh zawm loh an endik ṭhin a, September 1-8, 2023 chhungin dan zâwm lo mi 60 an man.

Dan zâwm lote chu Trans­port department en­forcement staff-te chuan dan angin pawisa an chawi­tir nghal zel a, mi 60-te pawisa chawi tling khawm chu Rs 9,20,000 a ni.

Transport department tarlan danin, lirthei reng reng kum khat a tlin chuan pollution test tih ngei tur a ni a, test an paltlangna certificate pai reng tur a ni. Lirthei hlui leite chuan ni 15 chhungin hming an thlak tur a ni bawk.