HFW Minister-in damdawi-in a enfiah

Health & Family Welfare minister Dr R Lalthangliana chuan nimin khan Serchhip District Hospital leh Serchhipa HFW department hmunte a enfiah a; thawktute hian an dinhmun, an ma­mawh leh an harsatnate an lo hrilh.

Health Minister chuan, Serchhip district-ah hmasawnna hmuh tur tam tak a awm thu a sawi rualin, ṭan lâk ngaihna lai eng emaw zat a awm thu a sawi a, "Hriselna lama hmalaknaah sorkar leh thawktute chauh tih theih a ni lo a, mipui nen ṭang ruala hmalak a ṭul. Sorkarin hriselna a ngai pawimawh a, nasa lehzuala hmasawn turin theihtawp a chhuah mek zel a ni," a ti.

HFW Minister hi Aizawl aṭangin Health department hotute'n an ṭawiawm a, Serchhip chief medical officer Dr LP Malsawma, District Hospital medical superintendent Dr ZD Lalmuana leh thawktu dangte leh khawtlang hruaitute'n an lo dawngsawng a ni.