Tuivai luia tla hlum zawng

Lallawmvela (31) s/o Dohneha, NE Tlangnuam chu September 9, Inrinni chhun dar 11 vel khan Tuivai luiah a tla a, zawn zui niin, nimin tlai thleng khan hmuh a la ni lo.

NE Tlangnuam khawtlang hruaitute hnen aṭanga thu dawn danin, Lallawmvela tlakna hi NE Tlangnuam leh Chiahpui inkara Tuivai lui, Theichhungsen lí-ah a ni a, khawtlangin an zawng nghal a, niminah pawh NE Tlangnuam khaw mite bakah, an ṭhenawm Daido leh Khawlian khaw mite'n an zawng a ni.

Nimin tlai dar 3 vel khan suarah an hmu a, mahse, an lak chhuah hman loh avangin a awmna chin an hre leh tawh lo a; nizan khan luia riah chilh turin mi eng emaw zat an inruahman a ni.

YMA, Tuivai group huam chhunga branch hrang hrangte chu a ṭul anga lo ngaihven tura hriattir an ni bawk.