MLA-in khaw pahnihah ṭanpuina sem

Mamit bialtu MLA H Lalzirliana chuan September 8, 2023 khan a bial chhunga Suarhliap leh Damdiai khua a tlawh a, ṭanpui-na hrang hrang a sem.

H Lalzirliana hian Suarhliap khua a tlawhnaah tarpauline leh infiamna hmanruate a pe a; tui dah khâwlna nei ṭha lo chhungkaw 66 hnenah tuizém a pe a, mi pathum hnenah puanṭhui kháwl leh pheikhawk chhe siam thiam mi pakhat hnenah pheikhawk chhe siamna hmanrua a pe. Company CSR aṭangin ambulance puk tuma hma a lak mek thu a sawi bawk.

Damdiai khua a tlawhnaah H Lalzirliana chuan Jal Jeevan Mission Scheme hnuaia siam tui pump khawl a hâwng a; tui dah khâwlna ṭha nei lo chhungkaw 65 hnenah tuizém a pek bakah, khawtlang hruaitute hnenah tarpauline a pe a ni.