Adhoc aided-a dah phûtna thu nen minister lo hmuak

Nimin khan Health & Family Welfare minister Dr R Lalthangliana chuan Thingsulthliah damdawi-in (primary health centre) a tlawh a, Joint Action Committee for School Upgradation leh Thingsulthliah Higher Secondary School-a zirlaite chuan an sikul adhoc grant-in-aid dinhmuna dah phûtna thuziak nen an lo hmuak.

Health Minister hi Thingsulthliah HSS hmingin pangpar an hlan a; Joint Action Committee for School Upgradation-in adhoc grant-in-aid pe tura ngenna lehkha an pek bakah, Thingsulthliaha NGO leh political party zawng zawng leh zirlai nu leh pate'n adhoc aided-a dah phûtna resolution copy an lo pe a ni.