World Suicide Prevention Day hmang

Pachhunga University College-a Department of Psychology, Green Ribbon Club leh Drugs Awareness Club-te chuan nimin khan mahni intihhlum vênna ni, World Suicide Prevention Day pualin PUC-ah zirhona an buatsaih a; thupui chu 'Creating hope through action' (Thil tih hmanga beiseina siam) tih a ni.

Workshop-ah hian PUC-a zirlai 200 vel an tel a, PUC Department of Psychology head Prof. Rinpari Ralte-in a hawng. MSCPS clinical psychologist Lalawmpuia, Civil Hospital, Aizawla OTS Centre psychiatrist Dr Lalchhandama Hauhnar leh MSCPS Psychiatric social worker Maria Lalengmawii ten mahni intihhlum chungchang leh a ven dante an sawifiah a ni.