Minister-in hnathawhte a enfiah

Champhai South bialtu MLA TJ Lalnuntluanga, minister of state chuan nimin khan Champhai khawpuia hmasawnna hnathawh hrang hrang leh hmalak ṭulte a enfiah. Champhai South biala kawng thawm ṭhat nan SASCI 2023-24 sum cheng nuai 285 dah tawh a nih thu PWD hotute'n an sawi.

TJ Lalnuntluanga chuan, hmasawnna ruhrel ruahman mekte chu ṭha taka thawh a nih theih nan department hotute leh khawtlang hruaitute chu theihtawp chhuah tlâng tur leh harsatna an neihte inthlahrung loa a hnena thlen vat turin a chah.

Minister hian Champhai Kahrawt Venga a chenna inah PWD hotute a kàwm a; Champhai leh a chhehvel kawngpui dinhmun te, hnathawh kal mekte leh kawng thawm ṭhat ngai zualte an sawiho a ni.

PWD hotute chuan, Champhai South Assembly constituency chhunga kawng thawm ṭhat nan SASCI 2023-24 sum nuai 285 dah tawh a nih thu an sawi. Minister chuan, SASCI hnuaia hna 21 thawh turte chu tlo leh ṭha taka thawk a, hun tiam chhunga zo ngei turin a chah.

Minster hi Champhaia sorkar official-te bakah, khawtlang hruaitute leh tlawmngai pawl aiawhte'n an ṭawiawm a ni.