Samagra leh Agriculture-in MoU an ziak

Samagra Shiksha leh Agriculture department hotute chuan Agriculture-in project a kalpui mek Green Ag hnuaia thawkho turin nimin khan Agriculture director pisaah thawh dunna thuthlung an ziak.

Thawh dunna thu­­­­thlungah hian Agriculture department aiawh­in director James Lalsiamliana'n hming a ziak a, Samagra Shiksha aiawhin state project director Lalhmachhuana'n hming a ziak.

Thawh dunna turah hian Lunglei leh Mamit district-a khaw 38-ah sikula eco club-te hnenah environment chungchang zirtir a ni dawn a; zirlaite chu nungchate hlutna zirtir bakah, neitu nihna thinlung an put theih nan zirtir an ni dawn a, chumi atan chuan thil chi hrang hrang zirlaite'n an ti dawn a ni.

James Lalsiamliana chuan, Green Ag kalpui mekah sorkar laipui duh dan zûlzuia Samagra Shiksha nena an thawh dunna tur chu rah ṭha tak a chhuah a beisei thu leh, Dampa leh Thorang sanctuary chhung khua­ahte hlawhtling taka an kalpui theih a beisei thu a sawi.

Green Ag project hi Global Environment Facilities (GEF) hnuaia kalpui a ni a, GEF-ah hian ram changkangte chu sum thawhtu an nih bakah, dawngtu an ni thei. Sum thawhtu leh dawngtu zingah India pawh a tel a ni.