Sarâng pan chi hman khap zui zel

Aizawl Municipal Corporation (AMC) chuan hman khat daih sarâng (single use plastic) hman khap chhunzawm a nih thu a puang a; khapna thupek zâwm turin Aizawl mipui a ngen.

AMC chuan, "Kan chhehvel a fai zawkna tur te, leilunga bawlhhlawh ṭawih thei lote kan hnutchhiah lohna tur te, kan tui tlan lâkna luite a thianghlim zawk a, mihring leh nungchate kan hrisel zawkna turin sarâng vawi khat hman ang chi hman khap chhunzawm a ni," an ti a; hman phal lohchin sarângte hmang, zuar leh kawlte chu dan hmanga pawisa chawitir ṭhin an nih thu an tarlang.