Aizawl chhehvela bawng vulh enfiah

Animal Husbandry and Veterinary department chuan September 4-12, 2023 chhung khan Aizawl khawpui leh a chhehvela bawng vulh hlawhtlingte tlawhchhuah hun an hmang a, an dinhmun an enfiah.

AH&Vety department hian Aizawl leh a chhehvela bawngvulha hlawhtling (dairy prog­ressive farmer) mi 32 an thlang chhuak a, chu'ng mite chu September 4-12 chhung khan tlawh kualin, bawng an enkawl dan, bawng in an sak dan, bawnghnutê an sàwr zat leh chaw an pek dante an enfiah bakah, bawng hriselna an endik a ni.

Bawng vulhtute tlawh chhuah hunah hian AH&Vety department aṭangin officer leh doctor-te chu team parukah inṭhenin, veng 20-a bawng vulhna hmun an tlawh a; ran damdawi ṭhahnem tak an sem bakah, ran damlo leh ran enkawlna lam atana siam inbiakpawhna call center 1962 (toll free) chungchang an hrilhfiah bawk.