Kolasib dist-ah ui sa ei phal a ni lo

Kolasib DC John LT Sanga chuan, Kolasib district-a chaw ei khawmna leh thil tih khawmna rêng rêngah ui sa telh phal a nih loh thu a puang.

Kolasib district-ah ui sa ei phal a nih loh thu hriattirna hi Kolasib DC chuan nimin khan public notice a chhuah a, "Chaw ei khawmna leh thil tih khawmna reng rengah ei leh in atan tuma'n ui sa an telh tur a ni lo. He sorkar hriattirna hi Kolasib district huam chhungah zawm ṭheuh tur a ni," a ti.

Kolasib DC chuan, AH & Vety department Director aṭanga lehkha an dawn anga hriattirna chhuah a nih thu a tarlang a; The Mizoram Slaughter (Amendment) Act, 2020 Section2(a)-ah mihring ei atana ran talh phal zingah ui a tel loh avangin ui talh chu dan lo a nih thu leh, Food Safety and Standard (Food Products Standards and Food Additives) Regulation, 2011 (2.5.1)-in mihring ei atana ran talh theih zingah ui a telh loh thu a tarlang bawk.