Tuilianin a lâk zawng mek

September 12, Thawhlehni zan dar 8:30 vel khan Lalhmingmawia (56) h/o Rozingi, Dinthar, Aizawl chu Tuikual lui lianin a la a, zawn nghal ni mah se, nimin tlai dar 6 thleng khan hmuh a la ni lo.

YMA, Dinthar Branch hruaitute hnen aṭanga Vanglaini thu dawn danin, Lalhmingmawia hian Thawhlehni zan khan inkhawm bànah Tuikual lui lian vanga an kawmthlanga an vawk vulhte'n harsatna an tawh a buaipui a, vanduaina tâwkin, tuilianin a la a ni.

Lalhmingmawia hi Thawhlehni zan khan zawn nghal a ni a, nimin khan zawn chhunzawm niin, Dinthar khawtlang mipui bakah, ṭhenawm veng hrang hrang, Sairang leh Sairang Dinthar leh CYMA hnuaia quick respond team-te an thawk chhuak a ni.