Rs 3,00,000 thleng pek tum a ni - K Lalrinliana

Kolasib constituency-a Socio-Economic Development Programme (SEDP) hnuaia ṭanpuina sum sem thawh hnihnaa ṭanpuina dawng turte tan nimin khan Diakkawn YMA Hall-ah thil pawimawh inhrilhfiahna hun hman a ni. Khuallian K Lalrinliana, bialtu MLA leh minister chuan, SEDP chu Rs 3,00,000 thleng pek tum a nih thu a sawi.

K Lalrinliana chuan, SEDP chu duh anga hmaah bul ṭan theih a ni lo tih sawiin, "Chhungkaw dàwm kànna tur family oriented SEDP thawh khatna kalpui mekah mi 60,000 hnenah ṭanpuina instalment hnih pek tawh a ni a, instalment dang pawh pek zel tum a ni. Ṭanpuina hi second instalment-ah tàwp mai loin, Rs 3,00,000 thleng pek tum a ni," a ti.

SEDP thawh hnihna bul ṭan mek a nih thu leh a thawh thumna pawh a tahtawlin chhunzawm tur a nih thu sawiin K Lalrinliana chuan, "Kan ram intodelhna tura thar chhuah theih leh hlen chhuah theih hlen chhuah a nih theih nan SEDP ruahman a ni," a ti a; SEDP dawng turte chu tih tak zetna nena hma la turin a chah.

SEDP ṭanpuina sem thawh hnihnaah hian Kolasib district-ah ṭanpuina dawng tur mi 1,471 an awm a ni.