Tuiin a lâk la hmu lo

September 12, 2023 zana Tuikual lui lianin a lak Lalhmingmawia (56) h/o Rozingi, Dinthar Veng chu nimin tlai thleng khan hmuh a la ni lo.

Lalhmingmawia hi Dinthar Veng leh a chhehvel vengte bakah, Sairang, Sairang Dinthar, Sihhmui leh Central YMA hnuaia quick respond team-ten ngawrh takin an zawng a, lui kamah bûk sain mi eng emaw zatin an riah chilh a ni.

Hetihlai hian nimin chhun khan Lalhmingmawia ruala tui-in a lak a vawk ni ngeia hriat thu Tlawnglui thlen hma deuh vaukamah hmuh a ni.

Tarlan tawh angin, Lalhmingmawia hian September 12 zan khan an Tuikual lui lian avanga an kawmthlanga an vawkte'n harsatna an tawk chu puih a tum a, puih a tumna lamah hian tuilian hian a la ni.