Vaivakawn lei minah thu neitute dem; "Enpui lohin permit pe tawh suh u" - ZṬṬP

Zohnuai Ṭhalai Ṭangrual Pawl (ZṬṬP) chuan, Vaivakawn Zohnuai huam chhungah chhiatrupna thlen thei leh mi dang tana tawrh theihna thlen thei tur àwmah mumal taka enpuina nei loin permit reng reng mah pe tawh lo turin sorkar thuneitute an ngen.

ZṬṬP chuan tun hnaia Vaivakawn Zohnuaia chhiatna thleng chungchangah thuchhuah siamin, "Chhiatna thleng hi vanduaina a nih piah lamah thuneitu fimkhur tâwk loh nghawng nia a lan avangin pawi kan ti hle. Tun hnuah chuan Vaivakawn Zohnuai area-ah chhiatrupna thlen thei leh mi dang tana tawrh theihna tur àwmah mumal taka enpuina nei loin eng permit mah pe tawh lo turin sorkar thuneitute kan ngen a ni," an ti.

ZṬṬP hian Zohnuaia leimin vanga in leh lo chán leh mahni in rauhsan chhungkaw pali hnenah September 10, 2023 khan chhawmdawlna sum an hlan a ni.