Childrens’ Science Congress buatsaih

Nimin khan Khawzawl High School-ah Khawzawl District Childrens’ Science Congress 2023 buatsaih a ni a, vawiinah chhunzawma zawh a ni ang.

Khawzawlah hian kum 2019-a district puitlinga dah a nih hnuah district level Childrens’ Science Congress buatsaih ṭan a ni a, kumina intihsiakah hian junior category leh senior category a awm. Junior category-ah sikul 10 telin, project 11 a lut a, senior category-ah sikul pariat telin, project pakua a lut thung.

Childrens’ Science Congress hawnna inkhawm hi deputy DPC K Thantluanga'n a kaihruai a, Khawzawl district education officer Lalsikula khuallian a ni. Intihsiaka pakhatnate chu state level Children Science Congress-ah Khawzawl district aiawhin an tel dawn a ni.