Pathianin hun rálmuangah min thlauhthla dawn lo - R Lalthangliana

MNF South Tuipui South Block chuan nimin khan South Vanlaiphai community hall-ah conference an hmang a; MNF adviser leh bialtu MLA Dr R Lalthangliana'n thu sawiin, Pathianin hun khirh laia rorel tura a ruat chu hun rálmuangah a thlauhthla dawn lo niin a sawi.

Dr R Lalthangliana chuan, MNF chu Mizo hnam party a nia sawiin, "Pathian leh kan ram tan titu kan ni. Pathianin hun khirh laia rorel tura a ruat hi hun rálmuangah min thlauhthla lo ang," a ti.

Kum 2018 inthlanpuia South Tuipui biala ZPM candidate leh BJP candidate ten MNF party an zawm tawh tih sawiin R Lalthangliana chuan, "Kan sorkar leh ngei dawn tih a lang a, INC offical candidate chauh kan la lawm lut lo a ni," a ti a; kum 2008-a MNF sorkarin district pathum a pek chu Congress sorkarin kum 10 chhunga a tihpuitlin loh hnuah MNF sorkar tharin an sorkar aṭanga thla riat chhunga an tihpuitlin thu a sawi bawk.