Minister-in SEDP dawngtute a fuih

Agriculture minister C Lalrinsanga chuan, SEDP thawh hnihna dawngtute chu rinawm leh taima taka ṭanpuina sum an dawnte hmang turin a chah.

C Lalrinsanga hian September 13, Nilainia Bungtlang West leh Buarpui khuaa SEDP ṭanpuina sum thawh hnihna dawng turte thil pawimawh hrilhfiahna a hmanpuinaah thu sawiin, SEDP dawngtute chu rinawm leh taima taka ṭanpuina sum an dawnte hmang turin a chah a ni. SEDP thawh hnihna dawng tur Bungtlang West-ah mi 22 leh Buarpuiah mi 101 an awm.

Agriculture Minister chuan, phai ramah hmarcha metric ton 750 hralh a nih thu sawiin, "Serchhipah ranchaw siamna khawl dah a ni dawn a, West Bungtlangah tél herna khawl dah turin ruahman mek a ni. Buarpuiah pawh tél herna khawl bakah cold storage dah a ni dawn," a ti.