February 2016 aṭangin lirthei intlanchhawk tir tum

Home minister R Lal-zir-liana chuan, Aizawl khawpuia lirthei chetvelna tâwt lutuk tihziaawmna turin February 2016 aṭanga lirthei intlan chhâwktir tura ruahman a nih thu a sawi.

Zawhna chhangin R Lalzirliana chuan, Ai-zawla lirthei chetvêlna tâwt tihziaawm dan tur sorkarin a ngaihtuah reng tih sawiin, "Ruahmanna awm zingah lirthei number kawpkim leh kawpkim lo intlan chhawktir tura rawtna pawh a tel a ni," a ti a; Traffic Management Coordination Committee-in ruahmanna kimchang an la siam dawn a, kumin February thlaah hman ṭan beisei a nih thu a sawi.

Home department hotute pawhin lirthei intlan chhâwk chungchang hi an sawiho tawh a; thingtlanga tlân bus leh maxicab-te huamtir tur nge, huamtir loh tur tihte leh a kaihhnawih thil dang tam tak chingfel a, mipui náwlpui tana ṭha thei ang bera kalpui tum a nih thu an sawi a ni.