Champhaia EVM-te enfiah

December 29, 2015 khan Champhai DC Vanlalngaihsaka thupekin Champhai DC office-a electronic voting machine (EVM) dahna strong room hawn a ni a, political party hrang hrang aiawh leh thuthar thehdarhtute an tel.

Vanlalngaihsaka chuan, Champhai dis-trict chhung Assembly constituency pangaa kum 2013 Assembly inthlanpuia hman EVM 135, strong room-a dahṭhatte chu Election Commission of India-in Mizoram Chief Electoral Officer hnena thuneihna a pek anga hawn a nih thu a sawi a, "EVM 135 zinga election petition nei EVM 86 leh petition nei lo EVM 49-te hi a zavaia enfiaha tihruah vek a ni ang," a ti.

Sorkar thuchhuah tarlan danin, Champhai district-a Tuichang leh Champhai South biala hman EVM 86 chu in-thlan thubuai nei an nih avangin, Gauhati High Court-in thutlukna a siam tawhah Court sang zawka zualko (appeal) an awm loh vangin thubuai tihtawp a ni.

BEL leh ECIL siam EVM, thubuai nei leh nei lote chu enfiah tur leh an serial number-te ECI-a thawn turin December 29, 2015 aṭangin bawhzui nghal a ni a; Champhai DC office-a EVM-te serial number leh ECI-in a kawlte enfiah a nih hnuah ECI thupek angin EVM khawlte chu inthlanna atan hman zui a nih theih nan a chhunga data awmte paih vek a ni ang.