Maharasthra MLA-te'n Aizawl an tlawh

Maharasthra state Assembly-a Committee on Welfare of Scheduled Tribe and Other Backward Classes member-te chuan December 29-31, 2015 chhung Mizoram an rawn tlawh.

Maharashtra Assembly-a com-mittee pakhat member lo kalte hi an chairman hoin MLA pariat leh an nupui fanau leh sorkar official-te an ni a; December 29-ah Aizawl rawn thlengin, December 31-ah an haw leh a ni.

Committee on Welfare of Scheduled Tribe and Other Back-ward Classes ang hi Mizoram Assembly-ah a awm ve loh avangin Maharashtra lam mikhualte hi Mizoram Assembly official-te’n an lo dawngsawng a, Mizoram chanchinte an hrilh bakah, khawpui chhung hmun hrang hranga Krismas puala khawlai cheite an fanpui a ni.