Scholarship la pe chhuak lo

Online hmangin scholarship dilna thehluh leh pek chhuah hna kalpui ṭan a ni tawh a, kum 2015-16 chhung atan zirlaite hnenah sholarship chi hrang hrang pek chhuah theih a la ni lo.

Thu dawn danin, Post Matric Tribal Scholarship, Pre Matric Minority Scholarship leh scholarship dangte chu sorkar laipuiin zirlaite bank account-ah thun tawh tura a tih avangin zirlaite'n kum danga an dawn hun angah an dawng thei dawn lo a ni.

Mizoram Scholarship Board chuan scholarship sum a pe chhuak tawh dawn lo a, scholarship dilna chinfel leh a kaihhnawih tul dangte erawh a la thawk chhunzawm ang.