Dec. 31 zanah intihhlimna buatsaih

Aizawl Municipal Corporation (AMC) leh Central YMA hma-laknain December 31, kum hlui thlah zan khan Aizawla hmun parukahah intihhlimna buatsaih a ni a; AMC hotute leh CYMA hruaitute'n an hmanpui.

Kum hlui thlahna leh kum thar lawmna puala hmun paruka concert buatsaihnaa sensote chu AMC-in a tum a, CYMA hnenah Rs. 3,00,000 pein, CYMA chuan hmun paruk atan Rs. 50,000 ṭheuh a ruahman a ni.

Concert buatsaihnate chu - Saikhamakawn, Kulikawn, Sikulpuikawn, Bethlehem Veng, Bawng-kawn leh Ropaiabawk (Chawlhhmun)-te a ni a; concert thupui chu 'Hâl-puah tel loin kumhlui i thlah ang aw' tih a ni. Concert-ah hian zai-thiam-te an zai bakah, fiamthu thiamte an chê a; zar dar 10 aṭanga zanlai pelh hnu, dar 1 thleng hun hman a ni.

Kum hlui thlah zan-ah hian Lungleiah pawh Ramthar Venga AOC Square-ah concert buatsaih a ni a, zaithiam hrang hrang an zai. Lungleia khawlai chei mawi thlan chhuah veng pathum puangin, lawmman an hlan nghal a ni.

Lunglei HPC-in Lung-leia veng chei lawmman a siam dawng-tute chu - pakhatna Lung-lawn (Rs. 30,000), pahnihna Chanmari (Rs. 20,000) leh pathumna Venghlun (Rs.10,000)-te an ni.

Mizorama khaw dang ṭhenkhatah pawh Decem-ber 31 zanah hian intih-hlim-na hun hman a ni bawk.