India hmarchhaka lirnghingin Mizoramah tihchhiat a nei lo

Nimin zing dar 4:37 khan India hmarchhak state hrang hrangah magnitude 6.8-a náin lîr a nghîng a; a nghin ṭanna Manipur-ah thi leh hliam eng emaw zat awm mah se, Mizoramah chuan thil tihchhiat a neih hriat a ni lo.

US Gelogical Survey tarlan danin, nimin zinga lirnghîng inṭanna (epicentre) chu Manipur khawpui Imphal aṭanga khawthlang lam km. 33-a hlá, Tamenglong district-ah a ni a, lei hnuai km. 57 aṭanga inṭan a ni.

Lirnghing hian Mizoram pum pawh a sâwi a, kum eng emaw ti chhunga Mizorama lirnghing nat ber ṭum leh a rei ber ṭum nia sawi a nih laiin, thil tihchhiat a neih hriat a ni lo.

Hriat theih chinah lirnghing vang hian Manipur-ah mi pariat an thi a, mi 100 chuang an hliam a; Bangladesh-ah mi pathum an thi bawk.