HPC(D) mi pahnih man

5th January, 2016

December 23, 2015 zana HPC(D) letter head hmanga mi pawisa diltu, Israel Lalthlengliana, College Veng, Kolasib leh Robert MS Thanga, Saiphai-te chu January 3, 2016 khan Kolasib police-te'n an man.

Israel Lalthlengliana leh Robert MS Thanga te hi Kolsib IOC Venga mi pahnih hnenah Rs. 5,000 leh Rs. 1,000 an dil a, hnam dang pakhat chu Rs. 200 an chhuhsak bawk. He thil thleng chungchang hi Kolasib police-te'n an hriat veleh chhui zui nghalin, Kolasib Bazar Vengah Pathianni tlai dar 4:30 khan an man a, thu zawhfiah turin an la kawl a ni.

Kolasib Police aṭanga thu dawn danin, Israel Lal-thlengliana leh Robert MS Thanga hi Lalhmingthanga kaihhruai HPC(D) mi leh sâ an ni.