Lammualah Police inkokhawm:

January 6 tlai dar 3:30-a Lammuala German Student National Football Team leh Mizoram XI inkhel tura venghimtu police-te chu nimin chawhnu khan Lammualah an inkokhawm a, Lalrinawma Ṭaite, Addl SP, Aizawl chuan thil pawimawh leh ṭulte a hrilhfiah a, venhimna ṭha tak hnuaiah he inkhel hi kalpui tum a ni.

Kum 2014-a German team Hoffenheim an lo kal khan ticket nei lo luh tum mi ṭhahnem tak an kal khawm a, zana inkhelh a nih vangin mi tam tak an lut ru bawk a, hengte hi security thilah a him tawk loh avangin venhimna ṭha zawk neih tum a ni.

Lammual hmuna awm 39 Assam Rifles-te pawhin he inkhelah hian mipui an him tlan theihna tura theihtawp chhuah an tum a, Lammual main gate leh hmar lam gate-ah (Hotel Ritz ep) lo chuan khawi aṭang mahin Lammualah mi an luh lohna tura ven an tum.