Jail táng tlânbo jail-ah man a ni

September 9, 2023-a Siaha District Jail aṭanga tlân chhuak Vanrampana (24), Meisatla, Siaha chu nimin chhun dar 1 khan Central Jail, Aizawlah man a ni.

Prison department tarlan danin, Vanrampana hi Central Jail-ah táng dan kan turin a inziak lut a, duty-te'n a chezia uluk taka an en hnuah ringhlelin, jailor hnenah hruai a ni. Jailor chuan Siaha District Jail thuneitute a bia a, Siaha District Jail aṭanga tlan chhuak Vanrampana a ni ngei tih finfiah a ni.

Vanrampana hi Zonuam Police Outpost-ah pek nghal a ni a, police-te chuan nimin tlai thleng khan an la kawl. Amah hi rukruk thubuai avanga man niin, court-in a thubuai a ngaihtuah lai mek a ni a; thubuai a neihna Siahaah hruai phei a ni ang.