Aizawlah Science Seminar buatsaih

SCERT Science Promotion Wing chuan nimin khan sikul zirlaite tan Science Seminar 2023 an buatsaih a, thupui chu Millets - a super food or a diet fad?' tih niin, buhtun (millets) chungchang zirho a ni.

Seminar-ah hian district hrang hranga inelnaa pakhatna ṭheuh an tel a, district pariat aṭangin zirlai pariat an tel. Pakhatna chu Emily Malsawmzuali, St. James School, Chawlhhmun a ni a, ani hi Mizoram aiawhin October 12, 2023-a Delhi-a National Science Seminar-ah a tel dawn.

42nd State Level Science Seminar-ah hian SCERT director Zohmingliani khuallian a ni a; khuallian chuan, buhtun chu Mizote'n hun rei tak ata an lo chin tawh ṭhin a nih thu leh hriselna atana pawimawh chaw ṭha chi hrang hrang pai tam leh hun rei tak vawn that theih a nih thu a sawi.