ZMC-in Cultural Day an hmang

Zoram Medical College chuan nimin khan Dawrpui Multipurpose Hall-ah an college week khârna leh Cultural Day ELIXIR 2023 an hmang a, minister Lalruatkima'n a hmanpui.

Minister chuan, ZMC puitlin a nih theih nan leh tun dinhmun thleng tura hmalakna hrang hrangte a tarlang a, theihtawp chhuahtu leh sulsutute fakawm a tih thu sawiin, "Zirtirna leh tihdam rawngbawlna kawnga Isua hnung zuia thawktu, mi bawrhsáwmte'na an pan ṭhin doctor-te rawngbawlna hi a ropui. Hriselna hi ram changkang tehfung pawimawh tak a ni," a ti.

Lalruatkima chuan, damlote chu doctor-te kuta an innghah tlat thu leh an lo dawnsawn leh enkawl danah te, zirtirnate'n ram mipui damna a thlen thu a sawi bawk.

ZMC director Dr John Zohmingthanga pawhin thu sawiin, ZMC thuam ṭhat leh tihchangtlunna lamah sorkarin theihtawp a chhuah ṭhin avangin lawmawm a tih thu a sawi a ni.