Mizo culture hi MNF culture a ni - MNYF Vice President

Mizo National Youth Front (MNYF) Headquarters chuan nimin khan Mizo Hnam Runah extended meeting an nei a, MNYF vice president Zodinpuia'n thu sawiin, "Mizo hnam nun zia leh chìn dan phung neihte humhalha chawisan hi MNF tum a ni a, Mizo culture hi MNF culture a ni," a ti.

Zodinpuia chuan, kumin kum tawp lama Mizoram inthlanpui awm turah bial tinah MNF dinhmun a ṭha hle niin a sawi a, "Sorkarna nghet tak neiin Pu Zoramthanga kaihhruai MNF-in hnehna a chang leh ngei dawn a ni," a ti a; Congress party worker-te tan beisei tur dang a awm tawh lo nia sawiin, MNF-a thawhhopuiah a sáwm.

MNYF hian September 19, 2023 khian Aizawlah Two Wheeler Rally an buatsaih dawn a ni.