Aizawl district-ah hâlpuah Kaihhnawihah mi 25 man

Mizoram police-te chuan December 2015 chhung khan Aizawl district-ah hâlpuah leh a kaihhnawih thil tam tham tak an man a, a kaihhnawihah mi 25 an man bawk.

Aizawl SP pisa aṭanga thu dawn danin, December thla chhunga hâlpuah leh a kaihhnawiha man mi 25-te lakah dan angin hmalak a ni a, Court-ah kalpui vek an ni.

Aizawl district-a police-in December 2015-a hâlpuah leh a kaihhnawih an mante chu - hâlpuah 106, electric sparkler báwm 73, Tiger cracker báwm 11, Flower Pot Special báwm 57, Tintin electric sparkler báwm 70, Chakker Delux báwm 219, Electric sound báwm 70, Ruby Baby circle electric pumpler báwm 270, rocket báwm 304, hâlzît báwm 130, chocolate bomb báwm 151, cracker báwm 51, whistling rocket báwm 33, Golden Wilkon báwm li, dancing wheel báwm thum leh vawmpuah báwm 14 a ni.