Dan bawhchhia mi 1,075 man

December 30, 2015 khan Aizawl City Traffic officer-te chu an SP hoin a pisa-ah an ṭhukhawm a; he hunah hian Krismas vuakvetah lirthei khalhtu dan bawhchhia mi 1,075 man a nih thu an tarlang.

Traffic SP C Lalthanmawia chuan, kum 2015 chhunga Traffic police-te hnathawh chu ṭha thawkhata a hriat thu a sawi. Meeting-ah hian kum 2016-ah ṭha leh zuala hna thawh dan tur an sawiho a ni.

Meeting-a tarlan danin, Krismas vuakvetah lirthei khalhtu dan bawhchhia man mi 1,075 zinga mi 47 chu phal bak aia tam zu in an ni a, mi 146 chu driving licence nei lo an ni.

Aizawl Traffic police-te hian kum 2015 (December 29 thleng) khan lirthei dan bawhchhia an man pawisa an chawitir aṭangin Rs. 39,73,500 an hmu a ni.