Tualthattua rinhlelh man a ni

5th January, 2016

December 30, 2015-a Tlabung thlang, Lamthai khaw daiféma thia hmuh, Santi Devi tualthih chungchangah a pasal Liton Chakma chu Tlabung police-te'n rinhlelh thilah an man.

Santi Devi hi mi dang kut tuar nia a lan avangin Tlabung Police Station-ah thubuai ziah luh a ni a, pawikhawihnaa inhnamhnawih nia hriat, a pasal Liton Chakma (21) chu Tablabagh-ah YCA-te'n an man hnuah, Tlabung police-te'n an la a ni.

Liton Chakma hian a nupui thihnaah hian mawh a phur ngei tih police hmaah a puang a, a ruala man ve rinhlelh dang pakhat chu a inhnamhnawih ve em tih police-te'n an chhui mek a ni.