Crystal Palace-ah winger thar

Premier League club Crystal Palace chuan non-league team Tower Hamlets aṭangin winger Randell Williams an la lut.

Kum 19-a upa winger hian Selhurst Park-ah season tawp thleng atan contract a ziak phawt a, Palace hian a khelh ṭhat dan a zirin a contract hi an pawhsei sak ang.

Randell Williams chuan, "Alan Pardew-a'n Crawley Town nena kan inkhelh ṭumin kan inkhel a en a, an hnena trial nei tura min duh thu min hrilh a ni," tiin Palace a zawm dan chungchang a sawi.

Hetihlai hian Crystal Palace hian Championship club Nottingham Forest lama loan-a an chhuahtir Jonny Williams an ko kir bawk a, Wales international hian Championship club tan league match sawm a khel hman a ni.