Dikna duh lo khawpa pamham Nih a hlauhawm: R Lalzirliana

Excise & Narcotics minister R Lalzirliana chuan, eng kawngah pawh rinawm a pawimawh thu sawiin, "Dikna duh lo khawpa pamham nih hi thil hlauhawm tak a ni," a ti.

Excise & Narcotics depart-ment-in nimina an conference hall-a kum thar thingpui inkhawm an buatsaih a hmanpuinaah R Lalzirliana chuan, "Dikna ka duh a, ka dik leh dik loh chu mi dangin sawi se. Dikna duh lo khawpa pamham nih hi thil hlauhawm tak a ni," a ti a; duhâmah chintâwk neih a ṭul thu sawi.

Excise Minister chuan, mi dikte chu an hlim ṭhin tih sawiin, "Thei leh thei loa eiru hrâm hrâmte an awm ṭhin. Eirûk loh hian nun a nuam. In ṭha pui pui nei thei lo mah ila, hlimna a awm chuang lo. Mi hausa tak tak chhungkaw hlim thei miah lo an tam. Dik taka nungte chu an tu leh fate pawhin an dikna rah zár an zo ṭhin," a ti.

Excise & Narcotics commis-sioner Lalhmunsanga chuan, an minister hoin thla thum chhungin MLPC Act leh a pawimawh an duang thei chu lawmawm a tih thu sawiin, "State dang pawhin kan kalphung an rawn entawn
ṭhin," a ti a; thla kaw chhungin zu zawrh vangin sorkarah chhiah cheng nuai 430 an chhûn luh tawh thu a sawi.

R Lalzirliana chuan, mi
ṭhen-khat rin dan angin zu zawrh hnuah boruak duhawm lo a thleng lo nia sawiin, "Krismas leh kum thar vuakvêta zu ruih vanga chet-sualna a awm mang lote hi a lawm-awm hle," a ti a; Mizoramah bo-ruak muanawm tak a awm thei chhan chu Excise & Narcotics-a thawktute inpekna vang a nih thu a sawi.

Kum thar thupuiah inngaih-tlawmna neih ni se a duh thu sawiin R Lalzirliana chuan, "Mi kan ngaihdam theih loh hian ngaihdam theih lohte aiin rilru a hrehawm zawk. Ngawih hi kan tana thil ṭha a ni tih hriat fo a pawimawh," a ti.

Excise & Narcotics Com-missio-ner chuan, department-te takte an ni chungin MLPC Act hman aṭangin a lêt zain hna an ngah thu a sawi a, "Hei hi sorkar pawhin min hriatpui a, rintlakah ngaiin narcotics bikah nodal department-ah min dah tawh. Ralthuam leh inbiakpawhna ṭha tak tak kan nei tawh a ni," a ti.

Excise & Narcotics depar-tment hian nikum chhung khan rakzu litre 34,317, zu bilh ṭin 50,000, heroin kg. 4 vel leh methamphetamine mûm 91,2,612 an man a ni.