MYC-in mi 5,000 chuang tír chhuak tawh

Mizoram Youth Com--mission (MYC) chair-man T Sangkunga chuan, Congress sorkar kal mekah Mizo ṭhalai 5,000 chuang MYC-in eizawnna puitling nei tura thiamthil zir tura an tirh chhuah tawh thu a sawi.

PC Consultancy Pvt. Ltd. bultuma hotel mangement training chhuakte hnena nimina Grand Hotel-a certificate a hlannaah thu sawiin, T Sangkunga chuan, "MYC-in ṭhalai a tirh chhuahte zinga ṭhen-khatte chuan hlawhtling takin state pawna hmun pawimawh tak takah hna an thawh bakah, India ram páwn thleng pawha thawktu ṭha tak tak an awm tawh a ni," a ti.

MYC Chairman chuan, Mizoramah IAS Coaching Centre din turin thil pawimawh an buaipui mek thu a sawi a; Dinthar Veng Primary School chu coaching centre atana hman tum a nih thu a sawi bawk.

T Sangkunga sawi danin, MYC hian Myan-mar passport hmang loa India passport hmanga Kolkata aṭanga chhuaka Singapore leh khawvel ram danga hna thawk tura kalte tana hma an la mek a ni.