MPF hruaitute mawhphurhna inhlan

Mizoram People Forum(MPF) headquarters chuan nimin khan Synod Office-a Committee Room-ah meeting an nei a, president leh general secretary hlui leh a tharte'n mawhphurhna an inhlan.

MPF president kal chhuak Rev. Lalrin-mawia chuan Rev. H Lalrinmawia, Synod moderator hnen-ah MPF president mawh-phurhna a hlan a; general secretary kal chhuak Upa F Lalremthanga'n Rev.Dr R Lalbiakmawia hnenah general secretary mawhphurhna a hlan a ni.

MPF hian hun puma thawk tur general secretary ruat tura an ngen angin, Mizoram Synod chuan Rev.Dr R Lalbiakmawia a ruat. MPF President hna hi danin a sawi angin Synod Moderator apiangin an chelh ṭhin.