KHAWTHLIR

Budget Committee

Mizoram Assembly Budget Committee chu nimin khan an chairman R Lalrinawma, deputy speaker hoin Assembly Committee Room-ah an ṭhukhawm a, kum 2015-16 budget revised extimate leh kum 2016-17 budget estimate chungchang an ngaihtuah. Committee member-te chu JH Roṭhuama, Nihar Kanti Chakma, S Laldingliana, Lalrobika leh Lalrinawma te an ni.

Pisa hawng

Mara Autonomous District Council (MADC) pisa leh Lai Autonomous District Council (LADC) pisate chu nimin khan kum 2016 atan hawn ṭan a ni. MADC pisa hawnna inkhawmah CEM RT Zachono chuan thawktute chu mahni hna ṭheuha inhlan thar turin a sáwm. Chakma Autonomous District Council pisa chu Janua-ry 4 khan an hawng
ṭan a ni.

Jubilee lawm

Mamit Dinthar branch KṬP chuan nimin khan silver jubilee an lawm
ṭan a, vawiinah chhunzawmin, naktukah ruai nen an lawm leh ang.

CYMA pisa hawng

Central YMA pisa chu nimin khan kum 2016 atan hawn ṭan a ni. Office hawn ṭan ni hian thawktute inhlan tharna hun hman nghal a ni a, CYMA general secretary Lalhmachhuana'n kaihruaiin, vice president Vanlalruata leh treasurer J Lalsailova ten fuihna thu an sawi.