Forest Survey of India-in zir chiang

Ministry of Environment, Forests and Climate Change (MoEFCC) hnuaia Forest Survey of India mithiamte chuan tunlai hian Tlabung leh a chheh-vela thing leh mau din-hmun an zir chiang mek.

Thu dawn danin, Mizoram thing leh mau dinhmun an zirchianna aṭanga an thil hmuhte chu kum hnih dana tih-chhuah ṭhin, Indian State of Forest Report (ISFR)-ah tarlan a ni dawn. Tlabung leh a chhehvela survey buaipui-tute chuan, ramngaw zirchianna chu kawng hrang hranga thlîrlêt leh ṭhin a ni tih an sawi a; carbon awm zat leh ramngaw hausaknate an chhin-chhiah a ni.

ISFR report hnuhnung bera tàrlan danin, Mizoram leilung 93% chu ramngawin a khuh (forest cover) a la ni. Mizoram hi India ram state zinga ramngaw nei ṭha ber a ni a, a dawttu Lakshadweep-ah chuan 84.56% ram-ngawin a la khuh a ni.