Zirna dah hmasa turin zirlaite chah

Minister Zodintluanga chuan nimin khan Sam-thang community hall-ah Tuipuiral Zirlai Pawl (TZP) General Confe-rence vawi 31-na a hmanpui a; thu sawiin, zirna dah pawimawh hma-sa turin zirlaite a chah.

Zodintluanga chuan, zirlai pawl ṭhenkhatte'n an tih tur an hai nia ngaih theih tura an awm ṭhin thu a sawi a, "Zirlaite hma-sawnna ngaihtuah aia mahni ṭánghma hâi a, political field-a luh bakah political issue-a an inrawlh nasat hian pawl hmél a tibawrhbáng em ka ti ṭhin," a ti.

Zir vak loa pass ngaih-sanna leh zir taima tak hmuhhniam tlat chíng Mizo zinga an awm chu a ṭhat loh thu sawiin, Minister chuan,"Hei hi kan thlak a hun tawh. Zirlai nih chuan taima taka zir a, thil danga inhman loh ngam a hun tawh. Fashion velin a tihbuai zirlai tam takte an inenlet a ngai," a ti a; Tuipuiral zirlaite chu Tuipui ràl tan chauh ni lo, Mizoram tana ṭangkai nih tum turin a fuih.

Zirlaite chu an nu leh pate'n rim taka kut hna thawkin, an fate tan zirna ṭha an pe thei tih sawiin, Zodintluanga chuan, "Degree neih tawh hnuah Mizo ṭhalaite hna ka nei lo tia awm mai mai hi an tam hle a ni," a ti a; sorkar hnain ṭhalaite a daih vek loh avangin kut hna thawh hreh lo turin zirlaite a chah a ni.

TZP Conference-ah hian resolution an pass a, khaw 25 awmna leh mipui sing thum lai awmna biala damdawi-in, doctor pali awmna tura pakhat chiah a awm chu May 2016 hma ngeia dah belh an phût thu an tarlang.