KHAWTHLIR

Vaivakawnah in a kâng

Nimin chawhnu dar 2:30 vel khan Vaivakawn, Hunthar Veng leh Chanmari West panna kawng pêng bula PB Lalhmingthanga in chu chu a kàng a, a kan zawh hmain mi tlawmngaite leh kângṭhelh pawlte'n an ṭhelh mit hman. In neitu PB Lalhmingthanga hi Thawhlehni khan a thi a, an in chhung bungruate in chunga an dah khawmna chu nimin khan a kâng a ni.

Missionary training

Synod Mission Board chuan missionary atana a lak thar mi 104 pualin nimin aṭang khan Mission Veng Kohhran Hall-ah Pre-Service Orientation a buatsaih
ṭan a, February 5, 2016 thleng neih a ni ang. Orientation-ah hian Pathian rawngbawlnaa thi pawimawh chi hrang hrang hrang an inzirtir dawn a ni.

Zirlai chawimawi

MZP, Mualkawi Branch chuan Thawhlehni khan kum 2015 chhunga an khuaa zirlai ti
ṭhate chawimawina hun an buatsaih. Zirlai an chawimawite hi mi 26 an ni a, an zing aṭang hian Student of the Year atan C Zoramthari an thlang.

Car chesual

Maruti car MZ-01 H 8286 chu nimin khan Melthum dáia Zaipuimanga thlan bulah kawng thlanga a tlân liam a, thi leh hliam an awm lo. Thu dawn danin, carhi Sanghminga, Saikhamakawn ta a ni a, amah leh mi dang pakhat an chuang a, hliam tenau tuarin, Falkawna State Referral Hospotal panpui a ni.

Conference hla bu

Kumin March thla tìra Champhaia KṬP General Conference hla bu tur chu lei theiha zawrh chhuah mek a ni a, Synod Bookroom hrang hrangah lei theih a ni. KṬP Conference hla bu hi December 28, 2015 khan tlangzarh a lo ni tawh a, Rs. 40 man a ni. Spiral binding (A4 size) Rs. 100 man siam a ni bawk. Hla buah hian hla 50, solfa hla 40 leh lengkhawma sak chi 10 dah a ni a; hla thar 11 dah a ni laiin, 2014 Conference hla bua mi hla 33 dah zui a ni lo thung.