Lunglei AOC - Hrangchalkawn Kawngpui blacktop hna ṭan

Lunglei khawpui chhimlam, AOC aṭanga Hrangchalkawn inkar kawngpui chu siamṭhat hna thawh mek a ni a, nimin khan blacktop hna thawh ṭan a ni.

Lunglei Ramthar Venga AOC petrol pump aṭanga Hrangchalkawn inkar hi kum eng emaw zat chhung siamṭhat a nih tawh loh avangin a chhe tawh hle a, pawl hrang hrangte pawhin kawng siamṭha tura sorkar an phût a, total bandh-te pawh an lo huaihawt tawh a ni.

Kawng siam hna hi GP Projects, Silchar-in an thawk a; kawng chhuat chhe laite siamṭhat hna an thawh hnuah nimin aṭang khan blacktop hna an ṭan a ni. An hnathawh hi PWD Highway Division hotute leh Ramthar Veng khawtlang hruaitute'n an vil a; January 2016 chhunga zawh hman beisei a ni.