US-ah BTS an ropui K-pop group dangte thlen theih loh an thleng

US-a chart lian ber leh ropui ber, Billboard-a World Albums chart-ah K-pop group, BTS an ropui a, an album The Most Beautiful in Life Pt 2 chu pakhatnaah a awm.

BTS hian chart-ah pakhatna an hauh ringawt a ni lo a, World Album-ah hian K-pop act zinga pakhatna ṭum hnih hauh thei hmasa ber an ni a, hei hian an hlawhtlinzia a tilang. A hmain paruknaah an awm a, tunah chuan pakhatna an hauh dÍr mai.

BTS album The Most Beautiful in Life Pt 2 hi a hmain pakhatnaah vawi khat a lo lang tawh a, a tlahniam zel dawn emaw tih laiin, parukna thlenga a tawlh thlak hnuah pakhatna a rawn hauh leh thei a ni. Tuna an hlawhtlinpui album hi SM emaw YG Entertainment hnuaia an tihchhuah a ni lo a, hei hian BTS ropuizia a tilang chiang. SM emaw YG emaw hnuaiah lo hi chuan hlawhtlin theih loh ang hialah mi tam takin an ngai ṭhin a, chu ngaihdan chu BTS hian an rawn thaichhia a ni.