Lehkhabu Pho Rûnpuiah Rs 10,22,178 man lehkhabu hralh

Mizo Writers Association (MWA) chuan September 9-16, 2023 chhung khan Vanapa Hall-ah Lehkhabu Pho Rûnpui an huaihawt a, lehkhabu chi hrang hrang Rs 10,22,178 man hralh a ni.

MWA hruaiute sawi danin, Lehkhabu Pho Rûnpui buatsaihna atan MWA-in Rs 1,31,245 an seng a; MWA member mi 115-te ziah lehkhabu chi 1,200 vel zawrh niin, Rs 10,22,178 man lehkhabu hralh a ni. Lehkhabu leitute zingah ṭhalai an tam thu an sawi.

MWA hruaitute chuan, Lehkhabu Pho Rûnpui chu ziak mite chawisànna tur liau liaua huaihawt a nih thu leh lehkhabu hralhna sum zawng zawng lehkhabu neitute kutah a luh zel thu an tarlang.