World Ozone Day 2023 Quiz-ah Champhai College an thiam ber

Mizoram EIACP Hub, Mizoram Pollution Control Board chuan World Ozone Day 2023 puala college-a eco club-te tana Quiz Competition an buatsaih chu September 15, 2023 zan khan Ignite Studio-ah inelna hnuhnung neih a ni a, Champhai College Eco Club pakhatna an ni.

Quiz Competition-ah hian college 13-a eco club-te an tel a, a ti ṭha pathum - Hrangbana College, Serchhip College leh Champhai College eco club-te’n final an khel. Pakhatna Champhai College-in Rs 7,000 an dawng a; pahnihna Hrangbana College Eco Club-in Rs 5,000 leh pathumna Serchhip College Eco Club-in Rs 3,000 an dawng.

Quiz final neih hmaa inkhawmah Mizoram EIACP Hub programme officer Benjamin Lalnunsanga Colney chuan, United Nations Organisation-in Montreal Protocol hman ṭan ní hriat rengna atan September 16 chu World Ozone Day-ah a puan thu leh kum 1995 aṭangin khawvel pumah hman ṭhin a nih thu a sawi a; ram hrang hrangin Montreal Protocol an zawm ṭhat avangin ozone pawp chu kum 2040-2066 inkarah a insiamṭhat leh theih beisei a nih thu a sawi bawk.