Zoramthanga sorkarin ram tana ro tling hna tam tak a thawk - Thangtea

MNF adviser Dr R Lalthangliana, minister chuan, chief minister Zoramthanga kaihhruai sorkarin harsatna tam tak karah Mizoram tan ro tling hna tam tak a thawk niin a sawi.

Dr R Lalthangliana hian September 16, Inrinini khan Thingsai community hall-a MNF South Tuipui East Block Conference a hmanpuinaah thu sawiin, MNF sorkar chhunga harsatna hrang hrang thlengte a sawi a, "Budget-a awm lo sum tam tak kan hmang ral a ni. Heti chung hian Pu Zoramthanga kaihhruai sorkar chuan ram tana ro tling hna tam tak a thawk a ni," a ti.

MNF Adviser chuan, inthlan awm turah MNF an sorkar leh ngei a rin thu a sawi a; Myanmar, Bangladesh leh Manipur aṭanga Zo hnahthlakte Mizoram sorkarin a tuamhlâwm an ngai chu Pathian thil tum a nih a rin thu leh engtikah emaw chuan India ram chhung leh páwna Zo hnam hrang hrangte chu rorelna pakhat hnuaia an awm theih nan Pathianin thil tum a nei nia a ngaih thu a sawi bawk.