Lungli Tui Water Treatment Plant hawng

Rajya Sabha MP K Vanlalvena chuan September 15, 2023 khan AMC Ward-XVII huam chhunga AMC leh bialtu councillor hmalaknaa siam, Republic Veng Lungli Tui Water Treatment Plant a hawng a, Lungli Tuitlan Society hnenah a hlan nghal.

K Vanlalvena chuan, AMC-a bialtu corporator leh Lungli Tuitlan Society-te ṭhahnemngaihna kaltlanga Lungli Tuikhut tihthianghlim leh sâwngbàwlna ṭha tak peih a ni chu lawmawm a tih thu a sawi a, "Tui tihthianghlim leh hrisel mai bakah, a sem chhuahna thlenga mumal taka ruahman lâwk a ni hi a finthlak hle a ni," a ti.

Hawnna inkhawm hi bialtu councillor David Zohmangaiha'n a kaihruai a; AMC deputy mayor R Thanglura pawhin thu a sawi.

Lungli Water Treatment Plant hi Rs 14,00,000 sénga siam a ni a; tuihna chu March 4, 1996 aṭangin humhalh niin, Lungli Tui Tlan Society din a ni a, member chhungkaw 232 vel an awm a ni.