Report thehluh hun sawn

December 2, 2015 zana Sihhmui leh Lengpui inkara Tlawng lei chim chhui chiang a, kar khat chhunga report pe tura Gauhati High Court, Aizawl Bench-in Mizoram sorkar a hriattirna chu January 17, 2016 thleng pawhsei a ni.

Thu dawn danin, Gauhati High Court thupek angin, Mizoram sorkar chuan Tlawng lei chim chhan chhui turin Aizawl DC Dr Franklin Laltinkhuma a ruat a; DC chuan thil hriat fiah ngaite leh chhui chian ngaite chhui nan hun tam zawk a mamawh avangin report thehluh hun hi sawn hlat a ni.

December 2, 2015 zana Tlawng lei chim avang hian M Lalmanzuala chuan Gauhati High Court, Aizawl Bench-ah PIL a thehlut a, chu chu thu tlingah pawmin High Court judge Michael Zothankhuma chuan kar khat chhunga thil awm dan sawifiah tur­in Mizoram sorkara Chief Secretary, PWD Secretary, Home Secre­tary, DGP, PWD Engi­­neer-in-Chief, PWD Chief Engineer (Highway) leh Aizawl SP-te a hriattir a ni.