Synod Pastor bial thar 12 hawng

Mizoram Presbyterian Kohhran chuan January 9, 2016 khan pastor bial thar 11 an hawng. January 8 khan bial thar pakhat an hawng tawh a, Pathianni lehah bial khat dang hawn leh a ni ang.

Inrinnia pastor bial thar hawnte chu - Bethlehem Venglai bial, Bawngkawn Bethel bial, Zuangtui bial, Ṭawipui North-II bial, Chhiahtlang Kawnveng bial, Thaidawr bial, Tlungvel Vengthar bial, Phullen Vengthar bial, Himali bial, Arunachal & Assam Field East-a Jairampur bial leh Jharkhand Field-a Pakur bialte a ni. Zirtawpnia hawn tak chu Nepal Field-a Damak bial a ni a, Pathianni leha hawn tur chu Delhi Field-a Dehradun bial a ni.

Pastor bial thar hawn takte nen hian Mizoram Presbyterian Kohhran chuan pastor bial 302 a nei mek a ni.

Hetih lai hian, nimin khan Mizoram hmun hrang hrangah pastor awmna insawn tur te, pastor tharte leh pro. pastor ṭhahnem tak chu an awmna bial tharah dah ngheh inkhawm (induction service) neih a ni.